Normal ang maging abnormal

Normal ang maging abnormal

IBINABA na sa Alert Level 3 ang lockdown sa Metro Manila.

Huhh, may lockdown ba?

MATAGAL nang nabubuhay nang normal ang mga Pinoy.

Mga taga-gobyerno na lang ang hindi normal.

NORMAL na ang paggamit ng face mask may COVID man o wala.

Normal nang walang trabaho ang mga obrero.

Normal nang sarado ang mga commercial establishment.

NORMAL nang bibihira ang nagdedeposito at naglo-loan.

Normal nang tumatanggap ng “demand letter.”

NORMAL nang matumal ang biyahe sa mga public transport.

Normal nang dumaranas ng stress at depresyon ang mga tao.

NORMAL nang dinarambong ang pondo ng gobyerno.

Normal nang hindi nadedemanda, hindi nakukulong ang mga corrupt.

NORMAL na ang fake news sa social media.

Normal ang bayarang trolls.

NORMAL na ang paglilibing ng patay. Normal din ang cremation..

NORMAL nang nagbubuntis at nanganganak ang mga dalagita nang hindi nabibiyayaan ng kasal sa simbahan at walang dokumentong legal.

Normal na ang mga bastardo at bastarda.

NORMAL na ang pagdarahop sa paligid.

Normal ding nagpapasasa sa yaman ang mga nasa pamahalaan.

NORMAL nang nanghihimasok ang mga dayuhan.

Normal din nag-aabroad ang mga Pinoy para mag-alila sa mga dayuhan.

HINDI na magbabalik ang dating normalidad.

Normal na ang pagiging abnormal.

NORMAL na kumandidato ang mga abnormal.

Normal na magwagi rin ang mga abnormal na ibinoto ng mga hindi normal.

Leave a Reply

Your email address will not be published. Required fields are marked *